City accountant di makahatag og detalye sa Pagcor funded projects

DI makahatag og detalye ang city accountant sa dakbayan sa Sugbo, Atty. Mark Solomon, mahitungod sa buot nga pakisayran sa mga konsehal sa Sugbo ning mga proyekto nga gikan sa Philippine Amusement and Gaming Corporation (Pagcor) nga kwarta. 

Sa suwat nga iyang gipadala sa kon­seho, siya niingon nga di siya makahatag sa detalye tungod kay ang naa sa ilang buhatan mao lang ang mga dokumento sa proyekto nga napatuman.

Sayo ning buwana dihang nihimog resolusyon ang konseho sa dakbayan isip paghatag og prayoridad sa mga proyekto nga Pagcor-funded.

Lakip sa naasoyng resolusyon nga aprobado sa mayoriya sa konseho ang paggama sa ad hoc committee isip komitiba nga segurohon ang pag-prioritize sa Pagcor-funded nga mga proyekto.

Buot pakisayran sa konseho gikan sa city accountant kon pila ang kantidad sa mga proyekto nga ilang giaprobahan nga gi-charge unta ngadto sa Pagcor-fund nga wa usab napatuman ubos sa administrasyon ni Mayor Michael Rama.

Ang dakbayan sa Sugbo nagdawat og P4 milyones gikan sa Pagcor diin naa kini sa usa ka trust fund nga anaay ngalan nga Pagcor funds.

Naghatag og P4 milyones ang Pagcor sa dakbayan matag buwan tungod sa pagtugot sa dakbayan nga maka-operate ang gambling casino sa syudad.

Ang Pagcor adunay guidelines nga gilatid kon asa gastuhon ang donasyon nga salapi nga gihatag sa dakbayan.

Dugang ni Solomon nga wa siyay kopya niadtong mga proyekto nga wa napatuman nga wa usab gahini og budget kay wa kini approval gikan sa opisina sa mayor.

Gibutyag usab niini nga ang mga proyekto nga ilang gihatagan og prayoridad kadto lang anaay marginal note gikan sa mayor nga “okay for prioritization”.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph